Опубликовано: 29.10.2026
Қарағандыдағы Eurasian Foods кәсіпорнында төтенше жағдайларды жою бойынша ауқымды оқу-жаттығулар өтті

Қарағандыдағы Eurasian Foods кәсіпорнында химиялық қауіпті объектідегі шартты аварияны жою бойынша тактикалық-арнайы оқу-жаттығулар өтті. Оларға кәсіпорынның 23 қызметкері, «ПАСС Көмір» ЖШС кәсіби авариялық-құтқару қызметінің және Қарағанды облысы Төтенше жағдайлар департаментінің мамандары қатысты.

Оқу-жаттығу сценарийі бойынша компрессорлық учаскеде аммиак бөлініп шыққан шартты авария орын алды. Қатысушыларға зардап шеккен адамды қауіпті аймақтан құтқаруды ұйымдастыру, қауіпті заттың таралуына жол бермеу және оқиғаның салдарын жою міндеті қойылды. Бұл үшін арнайы жеке қорғаныш құралдары мен химиялық бақылау аспаптары қолданылды.

Оқу-жаттығуларға «ПАСС Көмір» ЖШС-нің 15 қызметкері және Қарағанды облысы ТЖД-нің он маманы тартылды. Бірлескен жұмыс шартты авария жағдайында өндірістік персонал мен кәсіби құтқару бөлімшелерінің өзара іс-қимылын пысықтауға мүмкіндік берді.

Іс-шара қорытындысы бойынша ТЖД басшылығы зауыт қызметкерлерінің кәсіби даярлығының жоғары деңгейін, олардың практикалық дағдылары мен төтенше жағдайлар кезіндегі іс-қимылға психологиялық дайындығын, сондай-ақ кәсіпорынның материалдық-техникалық жарақтандырылуын атап өтті.

«Eurasian Foods» АҚ басқарма төрағасы Олег Винокуров өндіріс қауіпсіздігін қамтамасыз ету үшін осындай іс-шаралардың маңыздылығын атап өтті. Мұндай оқу-жаттығулар қызметкерлердің штаттан тыс жағдайларға дайындығын тексеруге, арнайы жабдықты пайдалану дағдыларын жетілдіруге және өндірістік процестердің қауіпсіздігін қамтамасыз етуге көмектеседі.

news-1229 img news-1230 img news-1231 img